Axularreko Ikasle Abertzalearen oharra:

Joan den ostiralean, Sestaon, Polizia Nazionalaren bi furgoik kirola egitetik zetozen bi lagun gelditu zituzten, haietako bat Santurtziko Axular institutuko ikaslea. Gauzatutako erregistroan gehiegizko indarkeria erabiltzeaz gainera mehatxuak ere jaso zituzten, ezker abertzalearekin loturarik zuten ikusteko xedearekin.

Honi guztiari gaineratu beharra dago Euskal Herriko Nortasun Aitormena (EHNA) ostu zietela, inolako azalpenik eman gabe.

Testu honekin argi eta garbi utzi nahi dugu herrialde honetan ez dagoela adierazpen askatasunik eta indar polizialak zilegiak diren joera politikoak jarraitu egiten dituztela. Hala ere, hauei zuzentzen gatzaizkie gure ideiekin amaituko ez dutela jakinaraziz, ez baitute gazteriaren ahotsa isilduko; ez bortzakeriaz ez mespretxuz.

Euskal gazteriak 30 urte egon gara borrokatzen kaletan zein institututan eta errepresioa, atxiloketak, eskubideen urraketak… jaso ditugun arren ezin izan gaituzte eta ezin izango gaituzte isilarazi.

Mertzenarioak euskal herritik at!

Gora euskal gazteria!

Axularreko Ikasle Abertzaleak